Austrian pair naghari sa Nuvali world beach volley tilt | Pilipino Star Ngayon
MANILA, Philippines — Pinabagsak nina Robin Seidl at Moritz Pristauz ng Austria sina Thomas Hodges at Zachery Schubert ng Australia, 21-18, 21-16, para pagharian ang men’s division ng Volleyball World Beach Pro Tour Challenge sa world-class Nuvali Sand Courts sa Santa Rosa City.
Pumalo si Pristauz ng 15 points mula sa 7 hits, 6 blocks at 2 aces habang naglista si Seidl ng 13 points buhat sa 12 attacks at 1 block sa pagkopo ng mga Austrians sa kanilang ikatlong medalya sa Pro Tour.
Sunod na sasalang ang World No. 27 Austrian pair sa grand finals sa susunod na linggo sa Doha, Qatar.
Nakuntento ang Austrian tandem sa bronze sa La Paz Challenge sa Mexico bago angkinin ang gold sa Goa Challenge sa India patungo sa Santa Rosa, Laguna para sa pinakamalaking beach volleyball event na idinaos sa bansa sa likod ni Philippine National Volleyball Federation president Ramon “Tats” Suzara.
Inangkin ng World No. 13 na sina Hodges at Schubert ang silver sa kanilang pagdaig kina World No. 11 Patrikas Stankevicius at Audrius Knasas ng Lithuania.
Binigo nina Stankevicius at Knasas ang Bello brothers, 23-21, 17-21, 15-10, sa bronze-medal match para kumpletuhin ang men’s podium sa torneong sinuportahan ng Ayala Land, Mikasa, Senoh, Philippine Sports Commission, Pinay In Action, Smart, PLDT, Gatorade, Maynilad, Rebisco, Ayala Malls, Department of Tourism, CBPI, Club Laiya at Foton.
Sa women’s tourney, pinagreynahan ni World No. 14 Anastasija Samoilova at Tina Graudina ng Latvia ang torneo mula sa 21-14, 21-18 paggiba kina World No. 21 Daniela Alvarez Mendoza at Tania Moreno Matveeva ng Spain.