Grupo optimistiko sa disqualification ng Smartmatic sa Philippine elections | Pilipino Star Ngayon

MANILA, Philippines — Umaasa ang isang grupo sa pagkakaroon ng "mas transparent na automated elections" sa pagkakadiskwalipika ng Smartmatic — bagay na posibleng makapagpanumbalik daw sa tiwala ng publiko sa proseso ng halalan. 

Miyerkules nang ianunsyo ni Comelec chairperson George Garcia ang pagkakadiskalipika ng technology provider mula sa kanilang procurement process matapos makwestyon sa isang petisyon ang kanilang integridad.

"This move is seen as a chance to not only to address the public's concern on the efficiency of the vote counting machines. Technical glitches have always marred the conduct of automated elections," wika ni Digital Pinoys national campaigner Ronald Gustilo, Huwebes.

"This shift is viewed as crucial to restoring public confidence in the integrity of election results, particularly after past instances of technical issues, alleged vote tampering, and mishandling of election paraphernalia."

Biyernes pa nang i-promulgate ng Comelec en banc ang 17-pahinang resolusyon matapos lumabas ang balitang "sinuhulan" ng Smartmatic si dating Comelec chairperson Andres Bautista para ma-awardan ng kontrata para sa election machines.

Hunyo pa nang hilingin ng mga petitioners sa Comelec na i-rebyu ang qualifications ng Smartmatic para mag-bid sa 2025 AES dahil sa diumano'y iregularidad sa 2022 national elections.

Taong 2010 pa nang maging poll technology provider ng Pilipinas ang Smartmatic simula nang magkaroon ng full automation ng general general elections.

Bagama't naninindigan ang Comelec na walang iregularidad sa 2022 national elections, minarapat na raw nilang maagap na magdesisyon para "mapanatili ang tiwala ng publiko sa ating mga demokratikong proseso.

Panawagan tuloy ngayon ng Digital Pinoys, dapat maghanap ang Comelec ng updated at transparent provider habang hinihikayat magbigay ng technologically advanced solutions na mas hihigit pa sa ibinigay ng Smartmatic.

"The call is not merely for a replacement but for a provider that can offer superior vote counting machines, reducing the technical problems that have marred previous automated elections," sabi pa ni Gustilo.

"The goal is to enhance the efficiency of vote counting machines and minimize