Magnitude 5.9 na lindol niyanig Mindoro, ramdam hanggang Metro Manila | Pilipino Star Ngayon
MANILA, Philippines (Updated 5:59 p.m.) — Binulaga ng malakas-lakas na magnitude 5.9 na lindol ang ilang bahagi ng Luzon ayon sa Phivolcs, bagay na nangyari ilang oras matapos ianunsyo ang 2023 Bar Exam results.
Bandang 4:23 p.m. nang yanigin ng lindol ang epicenter ng Lubang, Occidental Mindoro.
Nagtala ang Phivolcs ng iba't-ibang intensity sa maraming bahagi ng Pilipinas:
Intensity V (strong)
Intensity IV (moderately strong)
Intensity III (weak)
Intensity II (slightly felt)
Intensity I (scarcely perceptible)
Makikita sa video na ito kung paano biglang lumabas ang mga kawani ng Department of Justice sa kanilang building ilang sandali matapos ianunsyo ang pagpasa ng nasa 3,812 katao sa professional licensure examination para sa mga abogado.
WATCH: DOJ staff and personnel gathered outside the DOJ building following the tremors felt. | @PhilstarNews pic.twitter.com/iYCS3z94Ly
Sa kabila ng pag-uga ng lupa, wala pang inaasahang pinsala kasunod ng earthquake. Gayunpaman, mataas naman daw ang posibilidad ng aftershocks o 'yung mga kasunod na mas mahihinang lindol.
Wala pa namang inilalabas na detalye ang gobyerno kung may banta ng tsunami dulot ng quake. — may mga ulat mula kay Ian Laqui
Antabayanan ang mga karagdagang detalye sa balitang ito