Melencio, Diamante bumida sa PAI-Speedo Swim Series 2 opening | Pilipino Star Ngayon

MANILA, Philippines — Pinamunuan nina Ricielle Maleeka Melencio, Nicola Queen Diamante at Aishel Evangelista ang pagsisimula ng Philippine Aquatics Inc. "Go Full Speedo" Swim Series 2 Championships sa Teofilo Yldefonso swimming pool sa Malate, Manila. 

Dalawang gold medals ang nilangoy ng 20-anyos na si Melencio ng Ayala Harpoons Swim Club sa kanyang mga panalo sa girls’ 19-over 50-meter butterfly (31.58) at 200m freestyle (2:19.26).

Kumuha rin ng dalawang ginto si Melencio sa girls’ 50m butterfly at sa 200m freestyle sa two-day meet na suportado ng Philippine Sports Commission at Speedo.

Si Diamante ng RSS Dolphins ni coach Anthony Reyes ang bumandera sa girls’ 14-year-old 50m butterfly.

Wagi naman si Evangelista, ang Most Outstanding Swimmer (MOS) sa kanyang age class sa nilangoy na anim na ginto sa Series 1, sa boys’ 14-year-old 200m freestyle.

Ang iba pang mga nanalo sa opening day ay sina Paul Vincent Ocampo sa boys’ 11-yrs 200m freestyle, Von Andrei Pinon (12yrs, 2:15.83), Vynz Tadulan (13yrs, 2:12.27), John Jeremy Villaneuva (15yrs, 2 :08.34), Ethan Yuri Dulin (16yrs, 2:09.74), Patrick Vidal (17yrs, 2:06.22), Jim Ryan Mirandilla (18yrs, 2:15.06), Earl Jhay Jayme (19yrs, 2:03.39); Makoto Nakamura sa girls 11-yrs.old 200m freestyle (2:28.75), Sophia Rose Garra (12yrs, 2:18.06); Rielle Antonio (13yrs, 2:22.66); Eliana Rodriguez (14yrs, 2:25.55), Kristine Uy (15yrs, 2:22.04), Alyssa Cabatian (16yrs, 2:22.04), Milkyla Guzman (17yrs, 2:26.25), Rio Balbuena (18yrs, 2:22.89); Clinton Hu sa boys 6-under 200m free (5:04.40), Fritz Ian Jundam (7yrs, 3:49.77), James Fadriquela (8yrs, 3:27.54), Antonio Dela Cruz (9yrs, 3:25.27), Gideon Ancheta (10yrs, 2:36.89), Aamirah Medinilla (girls 6 under 200m free, 5:43.63), Elle Francia (7yrs, 4:19.65) at Ayesha Valera (8yrs, 4:06.86).