P15 million para recantation? | Banat
Dakong tanghaga nganong mga opisyal sa kapolisan nga panahon ni kanhi Presidente Rodrigo Roa Duterte, metistigos pinaagi sa pagpirmag affidavit bahin sa drugs case batok ni kanhi Senador Leila de Lima, nga nagtug-an adunay mga polis silang nasaksihan nga nakig-abin ni Leila sa pagpasulod og illegal drugs sa National Bilibid Prison, kalit ra mang mibakwi sa ilang testimoniya niining pagpamunoan na ni Presidente Bongbong Marcos?
Sa usa ka interview nga gi-post sa usa ka vlogger, kinsa maoy miinterbiyu ni kanhi retired Philippine National Police (PNP) Senior Superintendent Jerry Crisostomo Valeroso, usa sa mga dagkong opisyal, kinsa metistigos niining kasoha, mitug-an: Nga si kanhi Bureau of Corrections Chief Rafael Ragos, gitanyagan kunog P15M para bakwion ang unsay gisaysay nila didto sa ilang affidavit. Samtang si Valeroso gioperan usab. Ug gani, gidoble pa kuno.
Apan wala siya modawat. Matud niya: Ay, naku, hindi! Pagsinabi ko, sinabi ko na.
Unya dihang gipaloapag pangutana si Valeroso sa vlogger kon niadtong paghimo nilag affidavit batok ni Leila gipugos-gihadlok-gibaharan ba sila sa administrasiyong Duterte?
Ania iyang tubag: Sa akin naman, ay wala na mang pananakot. Dahil lahat na mang sinasabi ko ay tutuo.
Ug mikomento: Nga unta wala mo-recant o mobaliktad si Ragos. Kay kon sa kaulahian moatras ra diay, maayo pag wala na kini mo-execute og original affidavit. Sanglit, nagpakita lang kini nga wala siyay bones.
Ning administrasiyon nga si Boying Remulla nay Justice Secretary, ubay-ubay nang metistigos batok ni Leila ang mibakwi sa ilang mga lehitimong testimoniya. Nga maoy nakapagaan sa kaso ni Leila ug nakahatag niyag temporariyong kagawasan human makapiyansag P300K.
Sa nahisgotang interview, daw maaninaw nganong nag-iyahayg atras ang witnesses? Tungod kay matod pa ni Valeroso, bisan gisugal na ilang kinabuhi ug sa ilang pamilya, napasagdan ra sila sa DOJ sa kanhi ug karon. Wala nay gobiyernong mihatag kanilag proteksiyon batok ning gamhanan ug impluwensiyado kaayong senadora.
Ug kon ikaw, Brod, Sis, maoy anaa sa ilang sapatos, unsay imong palabihon: Seguridad sa imong pamilya, o pag-recant nga may pakaping minilyong salapi nga gitanyag?
Dinhi sa
