Smart AVC Nuvali Open beach volley tourney hahataw bukas | Pilipino Star Ngayon

MANILA, Philippines – Walong laro — anim sa men's at apat sa women’s division — ang magpapasimula sa main draw ng Smart Asian Volleyball Confederation (AVC) Nuvali Open bukas sa world-class Nuvali Sand Courts sa Santa Rosa, Laguna.

Sa alas-8 ng umaga bubuksan ang mga labanan kasunod ang break sa alas-12 ng tanghali hanggang alas-2 ng hapon para makaiwas sa init ng araw.

 “Everything is ready for the PNVF’s first major international competition for the year and precautions—such as breaks at noon when the sun is at its hottest—and medical teams well-equipped for heat-related incidents — are also in order,” ani Philippine National Volleyball Federation (PNVF) president Ramon “Tats” Suzara.

Kabuuang 46 koponan mula sa pitong Asia-Oceania countries ang sasalang sa torneo.

Ito ang ikalawang pagkakataon na tatayong host ang Nuvali Sand Courts ng Ayala Land ng isang major international competition matapos ang Volleyball World Beach Pro Tour Challenge noong Disyembre.

Ilalaban ng Philippine teams nina Brazilian coach Joao Luciano Kiodai at Mayi Molit-Prochina ang tambalan nina Gen Eslapor at Kly Orillaneda at ang dalawahan nina Alexa Polidario at Jenny Gaviola sa women’s division.

Hahataw naman sa men’s class ang tandem nina James Buytrago at Rancel Varga at Ranran Abdilla at AJ Pareja.

Tatlong koponan mula sa Australia, Japan at Thailand, dalawang tropa ng Hong Kong, Singapore, Kazahkstan at New Zealand at ang mga women's squads ng Indonesia, Macau at Malaysia ang sasabak sa event na suportado ng Foton, Akari, Mikasa, Senoh, Seda, Asics, Cignal, One Sports, One Sports+ at Pilipinas Live.

Sa men's division — tatlong koponan ang isinali ng Australia, Japan at Thailand, habang may tig-dalawa ang Indonesia, Kazakhstan, Iran at New Zealand bukod sa mga tropa ng China, Malaysia, Hong Kong, Singapore at Macau.