73! | Pilipino Star Ngayon

Lumuwag yata ang mga ring sa NBA.

Eh pano naman, sunud-sunod ang scoring records mula last week. Career-high dito, franchise record doon.

Sinimulan ni Joel Embiid ng Philadelphia na umiskor ng 70 points. Same day naman kumana si Carl Anthony Towns ng Minnesota ng 62.

Dehins naman nagpatalo si Luka Doncic ng Dallas. Nagpakawala ng 73 points. Si Devin Booker naman ng Phoenix, naka 62 points.

That’s incredible!

Parang shooting clinic or All-Star Game ang iskoran. Hindi naman siguro dahil sa walang depensa ang kalaban.

Talaga lang super kamador sila Doncic at Embiid.

Malayo naman sa all-time high na 100 points ni Wilt Chamberlain noong 1962 pero malapit-lapit na sa 81 ni Kobe Bryant noong 2006.

Sa PBA, si Allan Caidic ang may hawak ng all-time scoring record in a single game na 79 noong 1991. Sa imports, si Tony Harris ang hari with 105.

Mabalik tayo sa NBA, nakakapagtaka na kung kelan ubod ng galing ng defensive patterns eh may gumagawa pa rin ng ganung kataas.

Sabi nga ng isang NBA fan, itago natin sa pangalan na Jun Cruz, kasama na sa offensive patterns ang pag-protekta sa shooters gaya nila Doncic.

Wantusawa ang bola. Todo pick, todo screen.

Kung ngayon nga daw naglalaro si Michael Jordan, mas madali siya makaka-iskor. Career-high niya ang 69 noong 1990.

Pwede!