Akari, Cignal swak sa quarterfinals | Pilipino Star Ngayon

MANILA, Philippines — Inangkin ng Akari ang unang quarterfinals seat matapos lusutan ang Ga­leries Tower, 23-25, 25-15, 25-16, 22-25, 18-16, sa Pool D ng 2024 Premier Volleyball League (PVL) Reinforced Conference kahapon sa Philsports Arena sa Pasig City.

Nagpasabog si American import Oly Okaro ng 32 points mula sa 28 attacks at apat na blocks para sa ikaanim na sunod na ratsada ng Chargers at nag-ambag sina Ivy Lac at Grethcel Soltones ng 20 at 13 markers, ayon sa pagkakasunod.

“My performance individually, I think was okay. I didn’t that think that I came through the moments when needed, I think in the fifth set at least,” ani Okaro. “I think there’s a lot of things that I can still work on, and I think as a team there’s a lot that we can work on.”

Si Soltones ang bumida sa fifth set para sa Akari matapos pigilan ang dalawang match points ng Ga­leries Tower.

Ang back-to-back hits ni Okaro ang tuluyan nang sumelyo sa panalo ng Chargers sa Highrisers.

Sa ikalawang laro, tinalo ng Cignal HD ang Farm Fresh, 25-23, 28-26, 25-27, 25-14 papasok sa quarterfinals.