Alas Pilipinas malaki ang potensyal--Jaja | Pang-Masa

MANILA, Philippines — Masaya si middle blocker Jaja Santiago sa itinatakbo ng program ng Alas Pilipinas.

Naniniwala itong ma­laki ang potensiyal ng ko­­ponan na binubuo ng mga bagito at beteranong players.

Napanood ni Santiago ang paglalaro ng Alas Pilipinas sa ginaganap na AVC Challenge Cup for Women sa Rizal Memorial Coliseum.

At nakikita ng 6-foot-5 middle blocker na malaki ang posibilidad na ma­ging contender ito sa mga susunod na taon.

“Nakakaproud na they are all working hard,” ani Santiago.

Pinuri ni Santiago ang solidong inilalaro ng bawat miyembro ng koponan na maganda ang koneksiyon na nagreresulta sa magandang laro.

“Everyone is a fighter, actually, and you can see they’re really willing to give their best and play their hearts out to win every game” ani Santiago.

Binabanderahan ni playmaker at team captain Jia De Guzman ang koponan kasama sina Dawn Macandili-Catindig, Sisi Rondina, Eya Laure at Angel Canino.

Para kay Santiago, kung magtutuluy-tuloy ang programa, walang duda na kaya ng Alas Pilipinas na makapasok sa malalaking torneo gaya ng Volley Nations League at Olympics.