Andrea, rumapa-rampang naka-french fries | Pilipino Star Ngayon

Rumampa-rampa si Andrea Brillantes na naka-french fries outfit sa Japan para sa concert ni Taylor Swift - ERAS Tour.

Obvious na isang tunay na Swiftie si Andrea dahil ganun ang hitsura  ni Taylor sa music video nila ni Katy Perry na You Need To Calm Down habang naka-burger outfit si Katy. Ito ay matapos ang kanilang iringan.

Para talagang kumpleto ang outfit ni Andrea, burger inspired naman ang kanyang bag habang naka-black boots.

Anyway, isa lang sa maraming Pinoy si Andrea na bumiyahe sa Japan para manood ang concert ni Taylor.

Apat na gabi ang concert niya sa Tokyo Dome. Andun din ang grupo nina Precy Ejercito and Lorna Tolentino, DAR Usec. Nina Taduran among others.

Hindi pa rin tinatanggal ng isang actor mga damit ng ex girlfriend sa kanilang dating bahay.

Nag-live ang mag-ex noong sila pa.

Pero nauwi rin sa hiwalayan.

Ang buong akala raw ng actor ay sila na talaga pero hindi natuloy sa simbahan ang kanilang pagsasama.

Pero kahit ilang taon na silang hiwalay, ‘di pa rin daw nakaka-move on ang actor.

Lagi pa rin daw nitong tinitingnan ang mga damit ng ex na nasa bahay nila.

May sariling buhay na ang actress kaya malabo na raw silang magkatuluyan habang si actor ay wala pang nahahanap na kapalit ng ex.