Bagong NDFP-gov't 'peacetalks' umani ng suporta sa mga grupo | Pilipino Star Ngayon

MANILA, Philippines — Positibong sinalubong ng sari-saring grupo ang kasunduan ng gobyerno ng Pilipinas at mga rebeldeng komunista na muling magharap para sa usapang pangkapayapaan.

Ika-23 ng Nobyembre lang kasi nang lagdaan ng Government of the Republic of the Philippines (GRP) at National Democratic Front of the Philippines (NDFP) ang isang joint statement para magsimula ng bagong peace talks upang tapusin at ugatin ang sanhi ng deka-dekadang armadong rebelyon sa bansa.

"We fully support the move to explore the peace negotiations again after ex-President Rodrigo Duterte declared an all-out war policy and unleashed state terror on the Filipino people," wika ni Kabataan Rep. Raoul Manuel sa isang pahayag nitong Martes.

"The peace talks can be reopened in a conducive atmosphere if it comes with the revocation of terror designations vs [the Communist Party of the Philippines-New People's Army]-NDF and redtagged advocates and organizations, and the scrapping of the Terror Law."

Ibinalita ang kasunduan ng pagsisimula ng panibagong negosasyon ilang araw matapos pirmahan ni Pangulong Ferdinand "Bongbong" Marcos Jr. ang panibagong amnestiya para sa mga rebeldeng layong magbalik-loob sa gobyerno.

Una nang sinabi ng Samahan ng Ex-Detainees Laban sa Detensyon at Aresto (SELDA) na mas mainam ang panunumbalik ng isang pormal na peace talks kaysa sa bara-barang amnestiya, bagay na pwedeng isama raw sa isang komprehensibong usapan sa karapatang pantao, socio-economic, political at constitutional reforms.

"Also, peace talks will thrive if the Marcos Jr administration will abolish the [National Task Force to End Local Communist Armed Conflict], which was borne out of the failure of the Duterte regime to address the roots of the armed conflict and seriously pursue the peace talks back then," dagdag pa ni Manuel.

Una nang sinabi ni Presidential peace adviser Carlito Galvez Jr. na pagsisimula ng panibagong peace negotiation ang papasukin sa ngayon ng gobyerno at "hindi pagpapatuloy" ng usapang tinapos ni Duterte noong 2019.

"Resumption is different. When you say resumption, it was interrupted. Here, we will start anew," paliwanag ni Galvez habang idinidiing "very achievable" ang