Cone saludo kay Newsome | Pilipino Star Ngayon
MANILA, Philippines — Saludo si Gilas Pilipinas head coach Tim Cone sa solidong inilaro ni Chris Newsome sa nakalipas na FIBA Olympic Qualifying Tournament.
Maganda ang ipinamalas ni Newsome hindi lamang sa laro kundi sa pagiging kuya nito sa mga mas batang miyembro ng Gilas Pilipinas.
Si Newsome ang pumalit sa naiwang puwesto ni Barangay Ginebra star Scottie Thompson na hindi nakasama ng Gilas Pilipinas sa FIBA Olympic qualifiers dahil sa iniinda nitong injury.
“Without Scottie, we were dependent on Chris. That was, I guess, another question that we had. Could Chris step into Scottie’s shoes and do some of the things that Scottie does? And he did but he did it in a different way,” ani Cone.
Mga bigatin ang nakaharap ng Gilas Pilipinas sa Olympic qaulifiers — ang world No. 6 Latvia, Georgia at Brazil.
Subalit hindi nakitaan ng anumang pagkasindak si Newsome lalo na sa mga krusyal na sandali ng laro.
Kaya naman nakakuha ito ng papuri mula kay Cone.
“He was very calm. He was a calming influence on the whole team. He never was rattled. And he took over that initiator spot,” ani Cone.
Dahil sa magandang inilaro ng Gilas Pilipinas, nagawa nitong wasakin ang Latvia sa pamamagitan ng 89-80 panalo sa group stage.
“In the triangle, we don’t call the lead ball handler a point guard. But we call him an initiator. And Chris was just a tremendous initiator,” dagdag ni Cone.
Binibigyan nito ng advice ang mga batang miyembro ng Gilas Pilipinas gaya nina Carl Tamayo at Kevin Quiambao.