DepEd mipasabot bahin sa awards system ubos sa K-12 | Banat

CEBU, Philippines — Gidepensahan sa Department of Education gikan sa mga pagsaway sa mga netizens ang kabahin aning pagbaha og mga medals ug mga awards sa mga nigradwar sa elementarya ug high schools karong tuiga.

Matud pa nga kining awards and recognition system nga gipatuman ubos sa Kindergarten to Grade 12 (K-12) basic education program gituyo kini aron mogaan-gaan ang presyur sa mga estudyante ug makapadasig sab kini sa uban aron maninguha matud pa sa usa ka opisyal sa Department of Education (DepEd).

“This kind of awards system really highly encourages our learners to strive. It is more inclusive because it is not limited to just the top 10 in the class,” matud pa sa pamahayag ni DepEd assistant secretary Francis Cesar Bringas sa interview kaniya sa TeleRadyo Serbisyo  niadtong adlaw nga Biyernes.

Giluwatan kini ni Bringas nunot sa mga komentaryo diha sa social media nga nagsaway sa DepEd tungod sa matud pa daghan kaayong nakadawat og academic awards sa mga nigradwar karong School Year (SY) 2023-2024, kini bisan pa sa matud pa “poor performance” sa Program for International Student Assessment (PISA).

“PISA is using different parameters when it comes to determining the scores of the countries. We are also using different parameters for the awards and recognition in schools based on [the students'] achievements. So, we cannot compare the results of classroom performances [of students] with that of [their performances] in international large-scale assessments," dugang pagpasabot ni Bringas mahitungod niini.

Base sa resulta sa 2022 PISA nga gianunsyo sa Organization for Economic Cooperation and Development (OECD) niadtong Disyembre 2023, ang 15-anyos nga mga tinun-ang Filipino naiwit og lima ngadto sa unom ka tuig sa mga langyaw nga mga tinun-an nga kaparehas nila og edad kun learning competencies ang hisgutan.

Matud pa sa PISA naa sa kinaubsan 10 ang Pilipinas gikan sa 81 ka nasud nga ilang giestudyohan o ika 76. Ang mga pangutana sa mga 15-anyos nga estudyante may kalambigitan sa reading comprehension, mathematics ug science.

Ang PISA, giugmad sa OECD aron sukdon ang abilidad sa mga 15-anyos tibuok kalibutan sa natad sa  pagbasa, mathematics ug science  ug