Garcia: Sinulog Grand Parade ibalik sa karaang rota | Banat

CEBU, Philippines — Si Cebu City Mayor Raymond Alvin Garcia gusto nga ibalik sa karaang rota ang Sinulog Grand Parade sa sunod tuig. Gipahibalo usab ni Garcia nga sa Cebu City Sports Center ipahigayon ang grand showdown.

Matud ni Garcia nga hugot na ang iyang desisyon alang sa venue ug rota sa Sinulog 2025.

Gipanglantawan nga sa Sinulog 2025 daghan ang mangapil gikan sa mga lain-laing lugar sa Pilipinas ug sa gawas sa nasud.

Gibutyag ni Garcia nga dagko usab ang premyo nga ipanghatag ngadto sa mga mananaog sa Sinulog 2025.

Nasayran nga si Garcia nakapahigayon na og tigom tali sa mga nagdumala sa Sinulog Foundation Inc. ug sa board niini diin aduna sila’y mabulokon nga panagtuki.

Mopahigayon pa usab unya ug dugang mga tigom sa pagpangandam ang mayor hangtud maabot ang adlaw sa Sinulog. BDB BANAT NEWS