UC Webmasters buot inaton ang mainit nilang ratsada | Banat

CEBU, Philippines — Ang University of Cebu (UC) Webmasters nanghinaut nga mintinahon ang ilang posisyon sa kinatas-ang bahin sa standings sa dihang ilang sangkaon ang University of San Carlos (USC) Warriors sa Cebu Schools Athletic Foundation, Inc. (CESAFI) Season 24 basketball tournament karong adlawa (Dominggo, Oktubre 20) diha sa Cebu Coliseum.

Nagkupot og 3-0 nga baraha, ang Webmasters buot nga moangkon sa solong liderato sa college division atol sa alas-5 nilang engkwentro batok sa Warriors, nga mosuway pagsustinir sa ilang kainit human gipakgang sa upat ka sagunson nilang kapildihan.

Sa high school category, ang two-time defending champion Sacred Heart School-Ateneo de Cebu (SHS-AdC) Magis Eagles ug Cebu Eastern College (CEC) Dragons mag-abot sa seguradong eksplosibo nga sangka nga gitakda sa alas-2 sa hapon.

Sa kasamtangan, ang Magis Eagles nag-triple tie uban sa University of San Jose-Recoletos (USJ-R) Baby Jaguars ug University of the Visayas (UV) Baby Lancers bitbit ang managsamang 4-1 rekords, samtang ang Dragons nag-inusara sa ikaduhang puwesto uban ang 5-1 nga marka.

Sama sa Magis Eagles, ang Baby Jaguars  naglaraw sa ikalima nilang daog sa dihang ilang banggaon ang 3-1 nga University of Southern Philippines Foundation (USPF) Baby Panthers sa alas 3:30 sa hapon. Sa pasiunang duwa sa alas 12:30 sa hapon, ang University of Cebu Lapu-Lapu and Mandaue (UCLM) naglungot-lungot nga putlon ang lima ka sunod-sunod nilang malas sa dihang ilang kontrahon ang 1-4 nga Don Bosco Technical College (DBTC)-Cebu Greywolves.

Sa laing bahin, ang Cebu Institute of Technology-University (CIT-U) Baby Wildcats mipayaka sa University of San Carlos (USC) Baby Warriors, 70-62, kagahapon adlawa.   

Si Ryko John Batuigas miharos og 22 puntos, lima ka rebounds, duha ka assists, ug tulo ka steals, si Cyrus Joeff Abadies mi-iskor og 15 puntos uban ang unom ka rebounds ug duha ka assists, samtang si Kieff Russel Suarez miamot og 13 puntos ug pito ka rebounds alang sa Baby Wildcats, nga miinat sa ilang rekord ngadto sa 3-2 samtang gipasukarap ang  Baby Warriors sa ikalima niining sagunson nga kaparotan.

Sa laing resulta, ang Cebu Roosevelt Memorial Colleges (CRMC) Baby Mustangs