International Canoe Federation Dragon Boat World Championship kasado na sa Puerto Princesa | Pilipino Star Ngayon

MANILA, Philippines – Asahan na ang pagdagsa ng mga matitikas na dragon boat players sa mundo sa paglarga ng International Canoe Federation Dragon Boat World Championship sa Puerto Princesa, Palawan.

Ang naturang kompetisyon ay idaraos sa bansa sa kauna-unahang pagkakataon sa tulong ng Philippine Canpeo-Kayak and Dragon Boat Federation.

Tinatayang mahigit sa 3,000 mananagwan, coaches at opisyal mula sa 40 bansa ang dadayo sa Puerto Princesa para sa prestihiyosong torneo na nakatakda sa Oktubre 28 hanggang Nobyembre 4. 

“Several European countries like Russia, Slovenia, Poland and Germany (with 190 athletes) are already confirmed their participation. It’s a big challenge for us, but with the help of the Philippine Sports Commission and the City of Puerto Princesa led by Mayor Lucio Rodriguez Bayron, we’re 100% ready to host the event,” pahayag ni Philippine Canoe-Kayak and Dragon Boat Federation (PCKDF) president Leonora ‘Len’ Escollante sa Tabloids Organization in Philippine Sports Inc. (TOPS) “Usapang Sports”. 

Iginiit ni Escollante na mismong si Mayor Bayron ang mangunguna sa binuong local organizing committee ng lungsod upang masiguro ang tagumpay ng hosting — pinakamalaking international tournament na magaganap sa lungsod. 

Kabuuang 58 events ang paglabanan sa torneo para sa juniors, mixed, open and masters. 

Bukod sa regular na Philippine Team, kakatawanin din ang bansa ng mga kompetitibong koponan tulad ng Siargao at Cebu na ayon kay Escollante ay pawang mga kampeon sa masters event ng PCKDF. 

“Bilang pampagana and also to drumbeat the world tournament, magsasagawa muna kami ng Club competitions two weeks before the meet kaya inaanyayahan namin ang mga club teams na sumali dito. This is also part of our talent search program,” sambit ni Escollante sa lingguhang sports forum na itinataguyod ng Philippine Sports Commission, Behrouz Persian Cuisine at Pocari Sweat.

Target ng bansa na makamit ang overall championships hindi man matumbasan ang anim na gintong medalyang napagwagian noong 2018 edition na ginanap sa Atlanta, Georgia. 

“Hindi kasi tayo nakasali noong 2022 edition kaya ngayon natin puwedeng malagpasan yung gold medal haul noong 2018 and hopefully