Meralco dehado sa SMB sa PBA Finals | Pilipino Star Ngayon

MANILA, Philippines — Ang lahat ng kontribusyon ng mga players ang kakailanganin ng Meralco sa pagsagupa sa San Miguel sa Season 48 PBA Philippine Cup Finals na magsisimula sa Miyerkules.

Ito ang sinabi ni coach Luigi Trillo matapos sibakin ng Bolts ang Ginebra Gin Kings, 78-69, sa Game Seven ng kanilang best-of-seven semifinals showdown noong Biyernes ng gabi sa FPJ Arena sa San Juan City, Batangas.

“We’ll need everybody again when we face San Miguel. We know they’re a deep team,” wika ng one-time PBA champion coach.

Mahaba ang naging pahinga at preparasyon ng Beermen matapos kumpletuhin ang four-game sweep sa Rain or Shine Elasto Painters sa kanilang sari­ling semifinals showdown.

Bumangon naman ang Meralco mula sa 2-3 pagkakaiwan sa Ginebra matapos agawin ang Games Six at Seven at isara ang kanilang semis duel sa 4-3.

“Everybody on our team’s banged up. There was really no excuse. That was a tough series not only physically but mentally,” wika ni Fil-Italian guard  Chris Banchero na umiskor ng team-high 24 points sa pagpapatalsik ng Bolts sa Gin Kings.

Ito ang unang Philippine Cup championship appearance ng Meralco sa 15 season at pang-lima sa kabuuan.

“This is big for our franchise. We’ve been to other import-backed conference finals but this is the first time we made the All-Filipino,” sabi ni Trillo.

Puntirya ng Meralco ang kauna-unahang kampeonato matapos ang apat na runner-up finishes sa mga import-flavored conference.

Nabalewala ang hinakot na 20 points, 10 rebounds, 6 assists at 4 steals ni one-time PBA MVP Scottie Thompson sa panig ng Ginebra.