Registration caravan ng LTO, sinimulan

MANILA, Philippines — Upang maengganyo ang mga delinquent motor vehicle owners, sinimulan na kahapon ng Land Transportation Office (LTO) ang pasasagawa ng motor vehicle registration caravans na layuning mairehistro ang mga unregistered vehicles bilang bahagi ng “Oplan Balik Rehistro, Be Road Safety” program ng ahensiya.

May 24.7 milyong delinquent motor vehicles ang dapat mag-renew ng rehistro ng sasakyan sa LTO.

Kahapon, ­pinangunahan ni LTO Chief Vigor Mendoza ang kick-off  caravan ng LTO NCR sa Barangay Lipunan sa  Quezon City partikular sa likod ng  SM North EDSA.

“Sa pagsasagawa ng motor vehicle registration caravan, ipinapakita ng inyong LTO na hindi lang kami puro enforcement. We are also finding ways to make our services fast and comfortable like this program which is designed to bring the services of the LTO closer to our clients,” sabi ni  Mendoza.

Ang motor vehicle registration caravan ay maaari ring tumanggap ng transaksyon para sa renewal ng expired driver’s license.

Sa unang araw ng caravan kahapon, may 56 driver’s licenses ang na renew habang may 24 delinquent motor vehicle owners ang nag-renew ng rehistro ng kanilang sasakyan sa QC.