SC pinagmulta ng P30k si Badoy matapos mga banta, red-tagging vs hukom | Pilipino Star Ngayon

MANILA, Philippines — Hinatulang "guilty" ng Korte Suprema ang dating tagapagsalita ng National Task Force to End Local Communist Armed Conflict (NTF-ELCAC) sa salang indirect contempt matapos pagbantaan at iugnay sa mga rebeldeng komunista ang isang hukom sa Maynila.

Kaugnay ito ng reklamo laban kay Lorraine Badoy matapos ibasura ni Manila Regional Trial Court presiding judge Marlo Magdoza-Malagar ang isang petisyong naglalayong maideklarang iligal at terorista ang Communist Party of the Philippines at New People's Army (CPP-NPA).

"ACCORDINGLY, the Court finds Lorraine Marie T. Badoy-Partosa GUILTY of indirect contempt of court in accordance with Rule 71, Section 3(d) of the Rules of Court," ayon sa 52-pahinang desisyon ng Supreme Court na inilathala nitong Miyerkules.

"She is FINED the amount of PHP 30,000.000 and WARNED that a repetition of the same or similar acts in the future shall merit a more severe sanction."

Taong 2022 lang kasi nang sabihin ni Badoy sa isang burado nang Facebook post ang mga sumusunod na mga salita matapos tumanggi si Malagar sa petisyong ideklarang terorista ang CPP-NPA:

So if I kill this judge and I do so out of my political belief that all allies of the CPP NPA NDF must be killed because there is no difference in my mind between a member of the CPP NPA NDF and their friends, then please be lenient with me.

Dati pang sinasabi ng CPP-NPA at mga progresibong na hindi terorista ang dalawang pormasyon ngunit mga prinsipyadong "rebolusyonaryo." 

Setyembre 2022 nang balaan ng Korte Suprema si Badoy na posible siyang ma-indirect contempt sa pagbibitiw ng naturang pahayag, lalo na't paghihikayat daw ito ng karahasan at peligro sa buhay ng mga hukom at kanilang pamilya.

Una nang dumepensa si Badoy sa kanyang mga salita at sinabing hindi ito pagbabanta, ngunit "hypothetical" lamang na argumento habang ipinapahayag ang kanyang disgusto.

Sa kabila ng mga palusot ni Badoy, napagdesisyunan ng SC na "vitriolic statements and outright threats" ang mga katagang binitiwan ni Badoy. 

Dagdag pa ng Korte, hindi na objective critism ang kanyang ginawa at sa halip ay mga direktang deklarasyong ang korte ay nagamit para "mapinsala ang publiko" habang