Lotto bettor '20 beses nanalo sa parehong buwan,' ayon sa PCSO list | Pilipino Star Ngayon

MANILA, Philippines — Tumaas ang kilay ng isang senador matapos mapag-alamang "paulit-ulit" nananalo sa lotto draw ng Philippine Charity Sweepstakes Office (PCSO) ang iisang tao.

'Yan ang ibinahagi ni Sen. Raffy Tulfo matapos bigyan ng PCSO ng kumpletong listahan ng mga nananalo sa pataya ng gobyerno — ito habang iniimbestigahan ng Senado ang integridad ng PCSO games.

"'Yung PCSO nagbigay ho sa akin ng listahan... Medyo nakakataas ng kilay. Meron doon na isang tao nanalo ng 20 times in one month. Meron dun 10 times in one month," ani Tulfo ngayong Martes sa panayam ng dzBB.

"Siguro baka magkapangalan pero still pare-pareho 'yung premyo ang pinanalunan... Paulit-ulit in one month... Lalong tumambak ang mga questions."

Enero lang nang tiyakin ni PCSO General Manager Mel Robles na maaari nilang ibigay ang mga pagkikilanlan ng mga lotto winners kung ipapa-subpoena ng Senado matapos mapatunayan ine-edit ng naturang government-owned and controlled corporation (GOCC) ang litrato ng mga ipinapaskil na larawan ng nananalo.

Una nang sinabi ni Robles na minamanipula nila ang larawan at damit ng nananalo sa tuwing isinasapubliko ang pagkubra sa papremyo para matiyak ang kanilang kaligtasan.

Si Tulfo ang vice chairperson ng Senate Committee on Games and Amusement at siyang nangunguna sa imbestigasyon kung nagkakaroon na ba ng anomalya sa tayaan.

"Bakit tuwing draw, may nananalo na? Ngayon, walang mintis. Samantalang nu'ng panahon na wala pa tong e-lotto, ang tagal bago panalunan. Inaabot ng isang buwan, dalawang buwan," sabi pa ng senador.

Sa hiwalay na panayam ng dzBB, sinabi ni Robles na paoobserbahan nila aniya ang datos na napansin ni Tulfo — bagay na pwedeng-pwede raw nilang mabusisi.

"Ako, personally, hindi ko po tinitingnan 'yon. Pero I'll check, I'll look into that kung meron pong ganon, kasi hindi naman po kami tumitingin na niyan after namin maibigay eh," paliwanag ng opisyal.

"Puwede imbestigahan 'yan. 'Di naman mahirap imbestigahan 'yan eh."

Ilang linggo pa lang ang nakalilipas nang masangkot uli sa kontrobersiya ang PCSO matapos magkaroon ng "glitch" sa lotto draw habang umeere.

Una nang ipinayo ni Sen. Imee Marcos na isuspindi muna ang draws habang hindi pa