Second Open Karate Championship gidagsaan | Banat

CEBU, Philippines — Gihangop sa katawhan sa siyudad sa Mandaue ang gipahigayon nga Second Open Karate Championship diha sa Mandaue City Cultural and Sports Complex sa Barangay Centro, niadtong Domingo.

Nasayran ang maong kalihukan maoy tipik sa pagsaulog sa 2024 Mid-Year Cultural Summit. 

Gipasiugdahan sa Sports Karatedo Organization ang maong kompetisyon diin 24 ka mga kuponan gikan sa tibuok Pilipinas ug 415 ka partisipante ang nisalmot sa maong paugnat sa kusog pinaagi sa pagpakig-away nga mano-mano.  

Gisugdan ang kompetisyon pinaagi sa pagpahigayon og parada sa mga partisipante ug usa ka roll call sa mga club nga adunay 653 ka mga entries ug 127 ka mga kategorya lakip ang kata ug kumite alang sa edad nga 7 anyos ug 20 anyos ug usa ka seniors division. Gihatagan og kahigayonan ni Mandaue City Mayor Jonas Cortes ang mga partisipante nga makapakita sa ilang kahanas sa maong matang sa paugnat sa kusog nga nakalingaw kaayo sa mga Mandauehanon. (BANAT NEWS)