Youth Basketball manager sa Golden State Warriors midayeg ni Codera | Banat

CEBU, Philippines — Si Tony Melendez, ang Youth Basketball manager sa Golden State Warriors sa NBA, way lain kondili mga pulong sa pagdayeg ug pagrespeto sa tinamod nga Sugbuanong skills trainer ug coach nga si Jeff Codera.   

Si Melendez, nga maoy nagduma sa developmental program sa Warriors sud sa dul-an duha na ka dekada, ania karon sa Sugbo ubos sa imbitasyon ni Codera, nga nagtrabaho uban ni Melendez isip sakop sa Warriors training camp sa siyam na ka tuig.

"I'm the Youth Basketball manager for the Golden State Warriors since 2007. Training kids across the Bay Area since 2000, we are always looking for the best trainers. That s when I met Jefferson Codera in 2014. He brings so much passion and energy to our program. He is the one of reasons our program has gotten so huge over the years," paambit pa ni Melendez.

"Jefferson had approached me for years inviting me to his country where he has become an outstanding businessman.

Cebu is such a beautiful place and I m glad I got to share it with my family. I recommend Therrish Beach Resort to anyone who wants to enjoy a gorgeous stay off the grid. My family and I will never forget this trip.  Thank you to the whole Codera family," dugang pa ni Melendez, nga nalingaw og maayo samtang gibisita ang pipila ka maanindot ug makasaysayanong mga talan-awon sa Sugbo sama sa Magellan's Cross, Taoist Temple, Sirao Garden ug Temple of Leah.

Isip pasalamat, si Melendez mihatag og kopya sa "73 Reasons To Love The Warriors" nga magasin sa ESPN nga pirmado mismo ni Golden State Warriors superstar Stephen Curry. Nagtuki kini sa kangilngig ni Curry ug ingon man sa bulawanong kampanya sa Warriors niadtong 2016 NBA season diin ilang gibuak ang 72-10 rekord ni Michael Jordan ug sa Chicago Bulls uban ang impresibo nilang 73-9 nga marka.

Sa iyang bahin, si Codera mapasalamaton sa oportunidad nga gihatag kaniya ni Melendez ug labaw sa tanan sa panaghigala nga ilang nahulma.

"Tony teaches me a lot of things in the organization, mentoring me how to train the youth and how to learn the system and program in our camps," matud pa ni Codera, ang sports consultant ug basketball head coach sa lungsod sa San Remigio sa amihanang Sugbo,

"He is a