4 Pinoy sugatan sa Chinese water cannon sa Ayungin; Coast Guard ship napinsala | Pilipino Star Ngayon

MANILA, Philippines — Napinsala ang isa sa mga barko ng Philippine Coast Guard (PCG) habang nasa isang resupply mission sa mga tropang Pinoy sa South China Sea matapos makipagbanggaan sa China Coast Guard (CCG).

Martes nang sabihin PCG na nasangkot sa banggaan ang isa sa kanilang ships malapit sa Ayungin (Second Thomas) Shoal, isang lugar sa West Philippine Sea na inaangkin ng Beijing.

Nangyari ang insidente habang sinusuportahan ng Coast Guard, BRP CABRA at BRP SINDANGAN vessels ang Rotation and Reprovisioning Operation ng mga Armed Forces of the Philippines (AFP).

"Throughout the operation, the PCG vessels faced dangerous maneuvers and blocking from Chinese Coast Guard vessels and Chinese Maritime Militia," ani Tarriela kanina.

"Their reckless and illegal actions led to a collision between MRRV-4407 and China Coast Guard 21555 that resulted to minor structural damage to the PCG vessel."

This morning, @coastguardph vessels, BRP CABRA and BRP SINDANGAN, were deployed by the Commandant, CG Admiral Ronnie Gil Gavan, to support the Rotation and Reprovisioning Operation of the Armed Forces of the Philippines.

Throughout the operation, the PCG vessels faced dangerous… pic.twitter.com/WsjnMnGSEk

Una nang sinabi ng CCG na nagsagawa lang ito ng "control measures" laban sa "illegal intrusion" ng Philippine ships sa  Ren'ai Reef sa Nansha Islands ng Tsina — na siyang katawagan ng mga Tsino sa shoal at mga isla.

Ito'y kahit 2016 pa lang ay binalewala ng Permanent Court of Arbitration ang nine-dash line claim ng Tsina sa halos kabuuan ng South China Sea, bagay na pumapanig sa Maynila.

Ang Ayungin Shoal ay nasa loob ng West Philippine Sea, na siyang saklaw ng 200-nautical mile exclusive economic zone ng Pilipinas.

Ayon sa National Task Force-West Philippine Sea, nagdulot ng dalawang banggaan ang "dangerous blocking maneuvers" laban sa mga barkong Pinoy.

Ang una rito ay nangyari noong 6:32 a.m., kung saan sangkot ang CCG vessel 21555. Dahil dito, nagtamo ng superficial structural damage ang PCG vessel MRRV 4407.

Pagsapit naman ng 8:15 a.m., isang CCG vessel naman ang nagdulot ng minor collision sa Unaizah May 4 (UM4). Bukod pa ito sa pambobomba ng tubig sa mga Pilipino.

"CCG