'Agila' internet satellite program welcome sa Pinas – lawmakers | Pilipino Star Ngayon

MANILA, Philippines — Mainam naging pagtanggap ng mga mambabatas sa dalawang kapulungan ng Kongreso ang plano ng Malacañang na dalhin ang unang dalawang internet satellites na laan lamang sa Pilipinas para serbisyuhan ang mga liblib na lugar sa bansa.

Sa working visit ni Pangulo Ferdinand Marcos Jr. sa United States, ang Astranis Space Technologies Corp. ay pormal na lumagda ng kasunduan sa Orbits Corp. para dalhin ang internet connectivity sa “unserved at underserved“ areas sa Pilipinas sa pamamagitan ng paglulunsad sa MicroGEO satellites.

Ayon kay Senador Francis Tolentino, vice chairman ng Senate Committee on Science and Technology, na ang inisyatibo ay magbubukas sa mas masiglang economic activities at mas maraming oportunidad sa mga liblib na lugar sa bansa.

Binigyang-diin ni Tolentino ang potential benefits ng programa, kabilang ang pinabuting  edukasyon para sa mga kabataan pinalakas na marketing capabilities para sa mga lokal na produkto, at napakahalagang access sa regular weather information, na partikular na mahalaga para sa mga magsasaka. 

“Many areas in the country suffer from technological poverty and they are internet poor because telcos find the cost of servicing them as economically unfeasible. And this contributes to economic stagnation,” sabi ni Tolentino.  

“Internet satellite will open these areas to opportunities that will improve the education of their youth, the marketing of their products, and even weather information which is what farmers need on a regular basis,” dagdag pa niya. 

Binigyang-diin ni Bulacan’s San Jose del Monte City Rep. Rida Robes, miyembro ng House Information And Communications Technology Committee, ang napakahalagang papel ng pamahalaan para tugunan ang “digital divide” sa bansa.

Sa kabila ng paglaganap ng mga platform tulad ng TikTok at YouTube, iginiit ni Robes na tinatayang 25 million Filipinos ang nananatiling walang access sa internet, partikular sa mga liblib na lugar kung saan umiiral pa rin ang physical at broadband isolation. 

“Kahit uso na ang TikTok, kahit YouTube na ang bagong TV, 25 milyon pa ring mga Pilipino ang hindi internet users dahil walang serbisyo sa kanila. ‘Yung liblib na lugar ay hindi lang