Gahum sa pagpangabuso | Banat

Alang kang Presidente Marcos, Jr. ang panglantaw alang sa usa ka malinawon, lig-on ug malambuon nga South China Sea nagpabilin lamang nga usa ka “halayo’ng kamatuoran.”  Kini tungod sa mga illegal, pwersado, agresibo ug mga buhat nga sa pang-limbong sa China nga nakalapas sa atong soberiniya, sa atong katungod ug sa atong teritoryo.  Buot unta sa presidente nga resolbahon ang kasungian diha sa SCS pinasikad sa international law.  Kinahanglan na gyud nga mapakgang ang China sa nagpatuyang nila’ng illegal nga binuhatan.  Kay ginaingon baya nga, “Angayan kahadlokan ang pag-abuso sa gahum ingon man ang gahum sa pagpangabuso.” Muleeng!

Naglana og potot

Gihukman sa COMELEC nga ma-disqualify ang lima ka lokal nga kandidato sa pagdagan sa mga umaabot nga eleksyon tungod sa kapakyas nila pag-file sa ilang Statement of Contributions and Expenditures (Soce) dili lang sa makausa, kon dili sa duha ka higayon.  Gilatid ubos sa Republic Act No. 7166, nga ang tanang kandidato, daugan man o pildero, kinahanglan mo-file sa ilang Soce sulod sa 30 ka adlaw human sa eleksyon.  Usa sa katuyoan sa pag-file og Soce mao nga masuta sa COMELEC kon aduna ba’y kalapasan sa lagda sa eleksyon nga nahimo ang kandidato.  Kon mao kana, sama ra nga naglana og potot sa lubi ang COMELEC.  Fezteleern! 

Matud pa ni Cebu City councilor James Cuenco, dako ang purohan nga ang nakapanag-iya sa gipangbaligya nga peke nga PWD Identification Cards sa Cebu City nakapahimulos usab sa P12 mil nga financial assistance matag tuig tungod kay narehistro na man sila sa PWD database sa dakbayan. Buot ni Konsehal Cuenco nga pasakaan og kaso ang mga masuta nga sad-an.  Matud pa sa akong amigo, “Dili lang kaso ang isilot sa mga malapason, angay kanila pusposan ug piangan aron mahimo na gyud sila’ng tinuod nga PWD.” Madahaan!

Nangarisgar sa paglawig sa kadagatan ang mga mananagat sa Barangay Collat sa Masinloc, Zambales, inubanan sa ilang mga magdadapig, luwan sa dili momenos 12 ka sakayan, isip pagtimaan sa ilang pagsupak sa fishing ban sa China.  Buot ipakita sa mga mananagat ngadto sa China nga ato ang West Philippine Sea ug nga aduna sila’y katungod sa pagpanagat sa maong lugar.  Ni’ng pagsungasong sa mga mananagat