PCU Dolphins sabak sa Australia cagefest | Pilipino Star Ngayon

MANILA, Philippines – Bibiyahe ngayong araw patungong Perth, Australia ang Philippine Christian University men’s basketball team upang sumabak sa FILOBASKET National Finals na nakatakda sa Setyembre 21-22 sa Perth National Stadium.

Nakamit ng PCU Dolphins ang pagkakataon na katawanin ang bansa sa international school basketball tournament matapos makopo ang kampeonato sa 1st John Yap Cup Championships ng National Youth Basketball League (NYBL) Season 7.

“We’re ready to bring home the title. Matindi ang pinagdaanan ng PCU para dito at masinsin yung ensayo ng mga bata para hindi tayo madehado sa laro,” pahayag ni NYBL founder coach Fernando Arimado sa isinagawang team send-off.

Pangungunahan ang PCU Dolphins nina coach Biboy Simon at Mark Edison Ordonez.