Pebrero 9, idineklarang holiday ng Malacañang | Pang-Masa

MANILA, Philippines — Idineklara ng Palasyo ng Malacañang ang February 9, araw ng Biyernes, bilang special non-working day sa buong bansa.

Sa Proclamation No. 453 na nilagdaan ni Pa­ngulong Ferdinand Marcos Jr., at ni Executive Secretary Lucas Bersamin, idineklarang special non-working day ang naturang araw para sa selebrasyon ng Chinese New Year sa February 10, araw ng Sabado, at para matamasa ng publiko ang long weekend.

Iniutos naman ng Palasyo sa Department of Labor and Employment (DOLE) na maglabas ng kaukulang sirkular sa pagpapatupad ng proklamasyon para sa pribadong sektor.

“The declaration of 09 February 2024, Friday, as an additional special non-working day throughout the country will give the people the full opportunity to celebrate the Chinese New Year and enable our countrymen to avail of the benefits of a longer weekend,” nakasaad pa sa nilagdaang proclamation ni Bersamin.

Dahil dito, inaatasan din ng Palasyo ng Malacañang ang Department of Labor and Employment (DOLE) na mag-isyu ng kaukulang circular para sa pagpapatupad ng proclamation para sa pribadong sektor.

Ang Chinese New Year  ay isang festival na ipinagdiriwang sa pagsisimula ng bagong taon sa tradisyunal na lunisolar Chinese calendary.