Shangri-la nakasagunson daog sa HRRACI basketball | Banat

CEBU, Philippines — Ang Shangri-la Mactan Cebu mikadlit sa ikaduha nilang sagunson nga daog apan ang Seda Central Bloc mikawat sa atensiyon nunot sa 76 puntos niining pagmasaker sa Amethyst Boutique Hotel Cebu sa basketball event sa Hotel Resort and Restaurant Association of Cebu, Inc. (HRRACI) Sportsfest 2024  niadtong Martes, Hunyo 4, didto sa Capitol Parish Gym sa may dalan Escario Street in Cebu City.

Si Jonathan Canceran mitagak og 17 puntos, unom ka rebounds, ug usa ka steal samtang si Jose Tabaloc midugang og 11 puntos, walo ka rebounds duha ka assists ug tulo ka steals aron pangulohan ang Shangri-la ngadto sa  92-43 nga paglampaso sa Savoy Hotel Mactan Newtown.

Sila si Nicolas Magat ug Jonathan Bacalso mihipos og 10 puntos matag usa alang sa  Shangri-la nga temporaryo karong nagsolo sa liderato bitit ang 2-0 record.

Apan ang Seda maoy nimugna sa labing sipa nga kasikas luyo sa 108-32 niining demolisyon sa Amethyst Boutique. Si Marcus Fuentes mipupo og 15 puntos, upat ka rebounds, lima ka assists, ug tulo ka steals.

Si Steve  Castro mi-iskor sab og 15 uban ang usa ka rebound ug unom ka assists, samtang si Albertan Potenciosa mibubo og 11 puntos, 10 ka rebounds, tulo ka assists ug duha ka steals sa Seda.

Midugang si Adrian Padilla og 11 puntos, duha ka rebounds, ug upat ka assists samtang si  Harold Cortes mitali og 10 puntos, duha ka rebounds, ug tulo ka assists sa balanseng ataki sa Seda.

Sa ubang mga duwa, ang Marco Polo Plaza mibugha sa Montebello Villa Hotel, 66-33, samtang ang Diamond Suites & Residences mipayaka sa Bluewater Maribago Resort, 79-62.

Si Gabriel Olieta ang nangu sa Marco Polo bitbit ang 12 puntos, usa ka rebounds, tulo ka assists, ug upat ka steals ug gisundan kini ni Owen Osorio nga dunay 11 puntos, tulo ka rebounds, ug upat ka assists.   

Si Jerome Ysolona mipabuto og 23 puntos, usa ka rebound, duha ka assists, ug usa ka steal alang sa Diamond Suites, samtang si Arnel Suan mitampo og 18 puntos,  upat ka rebounds, ug upat ka assists.

Wala sab magpabitin ang  Plantation Bay Resort and Spa nga mipaluhod sa Sheraton Cebu Mactan Resort, 52-45.

Si Joven Inoc ang bida sa Plantation Bay uban ang 11 puntos ug tulo ka rebounds, samtang si