Sotto negatibo ang test results | Pilipino Star Ngayon
MANILA, Philippines — Walang dapat ipangamba sa kalagayan ni Kai Sotto na walang tinamong major injury sa laban ng Gilas Pilipinas at Georgia sa FIBA Olympic Qualifying Tournament sa Riga, Latvia.
Hindi na nakabalik pa sa aksiyon si Sotto nang madaganan ito ni Georgia slotman Goga Bitadze may 6:42 minuto sa second quarter ng laban.
Kaagad na itinakbo si Sotto sa ospital upang masuri ang kalagayan nito.
Matapos ang ilang pagsusuri at x-ray ay masaya namang ibinalita ng ilang sources na walang tinamong major injury si Sotto sa kaniyang rib gayundin sa mga major organs nito.
Kaya naman malaki ang posibilidad na makapaglaro ito sa krusyal na laban ng Gilas Pilipinas at Brazil sa crossover semifinals na lalaruin sa Hulyo 6 alas-8:30 ng gabi (Hulyo 7 alas-1:30 ng madaling araw sa Maynila).
