Squires umiskor sa Red Robins | Pang-Masa

MANILA, Philippines — Humataw si George Dia­mante ng 28 points para gabayan ang nagde­depensang Letran sa 86-69 paggiba sa Mapua sa NCAA Season 99 junior basketball tournament kahapon sa Filoil EcoOil Arena sa San Juan City

Ito ang ikatlong sunod na ratsada ng Squires para sa 3-1 baraha sa ilalim ng 4-1 marka ng Red Robins.

Nagdagdag si Jonathan Manalili ng 14 points at may 13, 11 at 10 mar­kers sina Syrex Silorio, Jo­vel Baliling at Alex Gaz­zingan, ayon sa pag­ka­kasunod.

Kinuha ng Letran ang 63-49 abante sa third pe­riod mula sa 35-36 halftime deficit sa Mapua pa­tungo sa panalo.

Samantala, tinakasan ng San Beda Red Cubs ang St. Benilde Junior Bla­zers, 64-62.

Itinaas ng Red Cubs ang kanilang kartada sa 3-2 at inihulog ang Junior Blazers sa 1-4.

Ang three-point play ni Drei Lorenzo kasunod ang dalawang free throws ni Hendric Vailoces ang nagpanalo sa San Beda.