Team USA vs Brazil sa quarterfinals | Pilipino Star Ngayon

MANILA, Philippines — Sasagupain ng Team USA sa 2024 Paris Olympics men’s basketball quarterfinals ang Brazil bukas dito matapos ang group play sa Pierre Mauroy Stadium sa Lille, France,

Kinumpeto ng mga Americans ang sweep sa Group C matapos gibain ang Puerto Rico, 104-83, tampok ang 26 points ni Anthony Edwards.

Nagdagdag si Joel Embiid ng 15 markers at 2 blocks habang tumipa si LeBron James ng 10 points at 8 assists para sa reigning Olympic champions.

Samantala, nagsanib-puwersa sina Bogdan Bogdanovic at Nikola Jokic para gabayan ang Serbia sa 96-85 panalo sa South Sudan patungo sa quarterfinals sa Group C.

Tumipa si Bogdanovic ng 30 points kasama ang anim na tres.

Ang panalo ng Serbia ang nag-akay kay Giannis Antetokounmpo at sa Greece sa quarterfinals sa Group A bilang No. 3 team.

Makakatapat ng Serbia ang Australia, samantalang lalabanan ng Greece ang World Cup holders Germany sa quarterfinals.

Haharapin ng host nation France tampok si NBA rookie sensation Victor Wembanyama ang Canada sa isa pang quarterfinals game.