Yerro inakay ang Adamson sa panalo | Pilipino Star Ngayon

MANILA, Philippines — Pinigilan ng A­damson University ang tatlong dikit na kamalasan matapos dagitin ang 63-54 panalo sa Far Eastern University sa UAAP Season 86 men’s basketball tournament kahapon sa Araneta Coliseum.

Tumikada si Joshua Yerro ng 11 points upang tulungan ang Falcons na ilista ang 4-5 karta habang ipinalasap sa Tamaraws ang pang-anim na talo sa siyam na laro.

Maagang uminit ang opensa ng Falcons matapos ilipad ang 15-point lead, 40-25 sa halftime.

“We’re thankful that we won, but we look for consistency in our game. I think the fourth quarter, medyo we failed again. We were the ones leading pero kami pa yung na-rattle,” pahayag ni Soaring Falcons head coach Nash Racela.

Nanatili ang tikas ng Adamson sa third canto, hinawakan nila ang 16 puntos na bentahe papasok ng fourth quarter.

Nakadikit ang Tamaraws sa payoff period pero naging matatag ang San Marcelino-based squad at naitakas ang importanteng panalo.