Cash Hub miratsada, 3-0 na sa Inter-Bank Basketball League | Banat

CEBU, Philippines — Ang Cash Hub milampaso sa Unibankers, 87-57, aron pagpabiling way pilde sa labing unang Hoop Nation Inter-Bank Basketball League didto sa City Sports Club-Cebu gym.

Si Richmond Lapinid, nga kanhi varsity player sa University of San Jose-Recoletos (USJ-R) Baby Jaguars ug University of Cebu  (UC) Webmasters atol sa iyang panahon during his days in the sa Cebu Schools Athletic Foundation, Inc. (CESAFI),  mikadlit og 26 puntos uban ang tulo ka rebounds ug usa ka steal aron pangulohan ang 30 puntos nga demolisyon sa Cash Hub sa nagkagidlay nga Unibankers.

Wala sab magpabitin si playing coach Ryan Alexis Mendez, usa ka All-Star guard sa Batch '89 sa iyang panahon sa Cebu Eastern College Alumni Basketball Association (CECABA), nga mitampo og 13 puntos, duha ka assists ug duha ks steals alang sa Cash Hub nga naka-angkon og bahin sa liderato uban sa Metro Ballers bitbit ang managsamang  3-0 rekords.

Si Lloyd Jayme mihipos og 19 puntos, upat ka rebounds ug duha ka assists apan way nahimo kay ang Unibankers natagak sa 1-3.

Sa laing resulta, ang Metro Hoopers mipatikalbong sa Sterling Bank, 73-51, aron pagsolo sa ikatulong puwesto uban ang 2-1 nga baraha. Si Emmanuel Villamor ang bida sa Metro Hoopers human mipabuto og 36 puntos nga iyang gipalamanan og duha ka rebounds ug upat ka assists. Si Mico Santos dunay 15 puntos ug upat ka assists alang sa Sterling Bank, nga nakatilaw sa ikaduha nilang pilde sa tulo ka duwa.