Championship experience sa NBA Finals taglay ng Celtics | Pilipino Star Ngayon

BOSTON — Sasalang ang Celtics sa kanilang ikalawang NBA Finals sa nakalipas na tatlong taon.

Sa kanilang huling NBA Finals noong 2022 ay tinalo sila ng Golden State Warriors na nagparada kina Stephen Curry, Draymond Green, Klay Thompson at Andrew Wiggins.

At matapos ang dalawang taon ay muling maglalaro ang Boston sa championship series kontra sa Dallas Mavericks kasama si veteran guard Jrue Holiday na bahagi ng champion team ng Milwaukee Bucks noong 2021.

“Time has gone by,” sabi ni star guard Jaylen Brown matapos kumpletuhin ng Celtics ang E­astern Confe­rence finals sweep sa I­ndiana Pa­cers. “Ex­perience has been gained. And I think we are ready to put our best foot forward.”

Unang sinibak ng Boston ang Miami Heat bago isinunod ang Cleveland Cavaliers at Pacers papasok sa NBA Finals katapat ang Dallas nina Luka Doncic at Kyrie Irving.

Samantala, inaasahang muling makakapaglaro si Kristaps Porzingis sa pagharap ng Celtics sa Mavericks sa best-of-seven championship series.

“He’s getting better,” ani Boston coach Joe Mazzulla sa kanilang big man. “He’s out there shooting. Went through a couple of drills in practice. So, progressing well and kind of confident where he’s at right now.”

Nagkaroon si Porzingis ng right calf strain sa Game Four ng first-round series ng Boston at Miami.

“I’m confident where he’s at on whatever day today is,” wika ni Mazzulla kay Porzingis na tumipa ng mga averages na 20.1 points, 7.2 rebounds at 1.9 sa regular season.

Ito naman ang ikaapat na NBA Finals appearance ni Irving na nagkampeon sa Cavaliers kasama si Le­Bron James noong 2016.