EO na lumikha sa LGBTQIA+ affairs committee, pinuri ng LGBT rights group | Pilipino Star Ngayon

MANILA, Philippines – Pinapurihan ng liderato ng isang LGBT rights group ang paglikha ng isang special committee sa LGBTQIA+ affairs, isang hakbang na personal na ni-lobby ng naturang grupo sa Malacañang magmula noong Hunyo.

Ito ay makaraang ipalabas ni Presidente Ferdinand Marcos Jr. noong December 23 ang Executive Order No. 51 upang ipatupad ang Diversity and Inclusion Program ng bansa, i-reconstitute ang Inter-Agency Committee on Diversity and Inclusion, at lumikha ng special committee sa LGBTQIA+ affairs. 

Layon ng direktiba ni Presidente Marcos “na palakasin ang mga umiiral na mekanismo para tugunan ang patuloy na diskriminasyon na dinaranas ng mga miyembro ng LGBTQIA+ community.”

Sinabi ni LGBT Pilipinas national president Dindi Tan na personal siyang nag-lobby para likhain ang komite sa isang Pride event sa Palasyo noong nakaraang Hunyo, isang ideya na “malugod na tinanggap ni First Lady Liza Araneta-Marcos.” 

“I personally requested for this, for and on behalf of LGBT Pilipinas, last June in Malacañang during the Pride Reception. First Lady Liza Marcos gladly welcomed the idea,” sabi ni Tan sa isang post sa Facebook.

“This is a first in Philippine history. This landmark development is a dream come true for our community — the start of many beautiful things to come,” dagdag pa niya. 

Ayon kay Tan, nakita ni Presidente Marcos ang pangangailanga na ipalabas ang executive order “to ensure the country’s continuous compliance with its obligations under the International Covenant on Civil and Political Rights.” 

“President Marcos’s responsiveness to our appeal demonstrates a commitment to fostering inclusivity, understanding, and equality for all Filipinos, regardless of their sexual orientation, gender identity, or expression,” pahayag ni Tan sa isang press statement matapos ang pagpapalabas ng kautusan. 

“This executive order holds immense implications for the ongoing fight for LGBTQIA+ rights and equality in the Philippines. By establishing a dedicated committee, we are paving the way for informed policies and strategic initiatives that will enhance the lives of LGBTQIA+ individuals,” dagdag pa ni Tan.

Aniya, ang hakbang ni Malacanang ay naghuhudyat ng isang