James hataw sa panalo ng Lakers | Pilipino Star Ngayon

PORTLAND, Ore — Dinuplika ni LeBron James ang kanyang season-high 35 points para tulungan ang Los Angeles Lakers sa 107-95 panalo sa Trail Blazers sa In-Season Tournament game.

Nagdagdag si Anthony Davis ng 16 points at 14 rebounds sa pagtatala ng Los Angeles (7-6) ng 3-0 record sa Group A.

Umiskor si Jerami Grant ng 24 points sa 1-2 marka ng Portland (3-9) sa In-Tournament habang kumolekta si Deandre Ayton ng 17 points at 12 rebounds

Inilista ng Lakers ang 17-point lead sa final quarter na hindi na napababa ng Blazers.

Sa Salt Lake City, humataw si Kevin Durant ng 38 points at nagtala si Devin Booker ng 24 points at career-high 15 assists sa 131-128 pagtakas ng Phoenix Suns (6-6) sa Utah Jazz (4-8).

Sa New Orleans, kumamada si Zion Williamson ng 26 points at may 21 markers si Brandon Ingram sa 115-110 pagdaig ng Pelicans (6-6) sa nagdedepensang Denver Nuggets (9-3).