Mga biyahe sa barko gikanselar | Banat

CEBU, Philippines — Pipila ka mga dapit sa Central Visayas apil ang Camotes group of Islands ug Bohol ang gipaubos sa signal number 1 tungod sa tropical depression “Kabayan” sumala pa sa Philippine Atmospheric, Geophysical and Astronomical Services Administration (PAGASA) kagahapon (Domingo), Disyembre 17, 2023.

Pasado alas 8:00 a.m. kagahapon, ang PAGASA mipagawas g advisory nga nagbutang sa Camotes group of Islands, Samar, Eastern Samar, Leyte, Southern Leyte, Bohol, Camiguin, Dinagat Island, Misamis Oriental, Agusan del Norte, Agusan del Sur, Surigao del Sur, Bukidnon, and Davao de Oro and Davao Oriental sa Signal number 1.

Sa sunod nilang public advisory ala-una sa hapon kagahapon ang sentro sa Tropical Depression Kabayan gibanabanang naa sa 440 km sidlakang bahin sa Davao City.

Nagdala kini og hangin nga 55 km/h duol sa tunga, haguros nga 70 km/h, ug central pressure nga 1002 hPa.  Kasamtangan kining hinay nga nag-irog padung sa amihanang kasadpan.

Tungod sa maong advisory, ang Philippine Coast Guard Station sa Central Visayas mipagawas og temporaryong suspensiyon sa tanang biyahe sa tanang matang sa barko ubos sa hurisdiksyon niini.

Matud pa sa public advisory, gilikayan nila nga adunay mahitabong aksidente sa dagat tungod sa dautang panahon.

“Voyage of vessels will resume upon improvement of weather and sea conditions in the above-mentioned areas. Vessels who intend to take shelter shall be permitted as long as it is manifested through a written request and no passenger be allowed onboard,” dugang pa sa advisory.

Sa pikas bahin ang Mines and Geosciences Bureau (MGB) mipagawas sab og ilang Geohazard Threat Advisory human sa ilang Pre-Disaster Risk Assessment (PDRA) niadtong Disyembre 15, 2023.

Sa PDRA, nitambong sa imbitasyon sa RDRRMC, OCD-7 ang nagkalainlaing national government agencies (NGAs) sa Central Visayas.

“The LPA may cause rains beginning Sunday and has a chance of developing into a cyclone.The Northeast Monsoon or Amihan is affecting parts of Luzon, while the Easterlies are affecting the rest of the country,” sumala pa sa ilang pamahayag sa ilang Facebook page kagahapon.

Ang MGB miawhag sa tana nga  monitoron ang balita bahin sa lakaw sa