"Padyak Princess" | Banat

CEBU, Philippines — Si  Miles Ocampo ang  bida sa bag-ong TV series nga  "Padyak Princess" nga magsugod na karong  Lunes, Hunyo 10, sa TV5. Ang iyang leading men kay sila si Jameson Blake ug Joao Constancia.Nalakip pud sa maong show sila si   Ces Quesada, Ara Mina, Christian Vasquez, Cris Villanueva, Yayo Aguila, Gillian Vicencio, Jem Manicad, Karissa Toliongco, Kira Balinger, David Remo,ug  Miel Espinoza.

Nagmalaumon si Judy Ann Santos nga mahimong kabahin  sa 50th edition sa Metro Manila Film Festival ang iyang horror movie nga pagadumalaon ni Direk Chito  S. Roño.

Ang katapusang MMFF movie ni Juday mao ang "Mindanao" lima ka tuig na ang nilabay.

Migradwar na sa senior high school sa niaging adlaw ang BGYO members nga sila si Gelo Rivera, Mikki Claver ug  JL Toreliza ,ingon man usab ang  BINI members nga sila si  Maloi Ricalde ug Colet Vergara. Puros sila nipaubos sa  blended learning ug mga  skolar  sa Japan Philippine Institute of Technology sa  Bulacan.-