Philta suspension tinanggal ng ITF— Tolentino | Pilipino Star Ngayon

MANILA, Philippines — Muling aangat at makakaporma sa global tennis community ang Pilipinas matapos kalsuhan ng International Tennis Federation (ITF) ang suspension ng Philippine Tennis Association (Philta) noong Linggo.

Ipinarating ni ITF President David Haggerty ang kanilang desisyon kay Phi­lippine Olympic Committee (POC) President Abraham “Bambol” Tolentino na alisan ng suspensyon ang Philta.

“I am pleased to confirm that the ITF Board of Directors has decided to lift the suspension of the Philippine Tennis Association (PHILTA) in accordance with Article 5 of the ITF Constitution.” nakasaad sa sulat ni Haggerty.

“I would like to thank you and your team, particularly Mr. Ramon Suzara, for your proactive approach to resolving Philta’s governance issues in accordance with our shared values of good governance, transparency, and accountability,” ayon pa kay Haggerty.

Dahil sa magandang balita ay pinasalamatan ni Tolentino si Haggerty at ang ITF sa kanilang naging desisyon kung saan ay inabot din ng tatlong taon na hindi makagalaw ang Philta.

“The POC would like to thank Mr. Haggerty and the ITF for lifting the suspension that would allow Philippine tennis to get back on track, ani Tolentino.

Malaki ang nagampanang trabaho ni Suzara sa nasabing organisasyon hanggang sa magkaroon ng revision maaprubahan ng world governing body.

Inutos ng ITF habang ang POC ang nagmatyag ng elections ng miyembro ng Philta board of trustees na ginanap noong December 11, 2023 sa Century Park Hotel sa Manila kung saan ay si Parañaque City Mayor Eric Olivarez ang nahirang na presidente.