Ramdam mo ba?: Ekonomiya ng Pilipinas lumago nang 5.9% nitong Q3 | Pilipino Star Ngayon

MANILA, Philippines — Nakapagtala ng 5.9% na paglago ang gross domestic product (GDP) ng Pilipinas sa ikatlong kwarto ng 2023, ayon sa Philippine Statistics Authority (PSA) ngayong Huwebes.

Sinusukat ng GDP ang halaga ng lahat ng produkto at serbisyong iniluluwal ng isang bansa sa isang takdang panahon, bagay na madalas gamitin bilang batayan kung malusog o matamlay ang ekonomiya.

"The main contributors to the third quarter 2023 growth were:  Wholesale and retail trade; repair of motor vehicles and motorcycles, 5.0 percent; Financial and insurance activities, 9.5 percent; and Construction, 14.0 percent," sabi ng PSA ngayong Huwebes.

"Major economic sectors, namely: Agriculture, forestry, and fishing, Industry, and Services all posted positive growths in the third quarter of 2023 with 0.9 percent, 5.5 percent, and 6.8 percent, respectively."

Una nang nakita ng mga ekonomistang makababawi ang ekonomiya sa ikatlong kwarto mula sa pagbulusok nito sa 4.3% noong Q2 sa gitna ng matinding inflation rate at interest rates. Bago ito, tatlong sunud-sunod na quarters ang pagbagal ng economic growth.

Sa demand side, lumaki ang household final consumption expenditure ng 5% habang nakapagtala naman ng 6.7% AT 2.6% ang government final consumption expenditure (GFCE) at exports of goods and services.

Samantala, lumiit naman ang gross capital formation (1.6%) at imports of goods and services (1.3) sa kwartong ito.

"The Gross National Income (GNI) grew by 12.1 percent in the third quarter of 2023. Likewise, Net Primary Income (NPl) from the Rest of the World grew by 112.5 percent during the period," patuloy ng PSA.

Bagama't sumirit pataas ang GDP growth, hindi naman nangangahulugang ramdam ito ng taumbayan, wika ni IBON Foundation executive director Sonny Africa.

"[M]as maganda sana kung sa paglago ng ekonomiya ay may paglago din ng trabaho at paglaki ng kita," wika ni Africa sa panayam ng Philstar.com.

"Pinapakita din na malala ang problema sa ekonomiya kasi may job-destroying growth  — lumago ang ekonomiya pero nabawasan ang trabaho."

Miyerkules lang nang ibalita ng gobyernong lumobo sa 2.26 milyon ang walang trabaho sa Pilipinas nitong Setyembre 2023, ang ika-2 sunod na buwan