Tribesmen kakasa sa PSC IP Games | Pilipino Star Ngayon

PUERTO PRINCESA – Muling bibigyan ng pagpapahalaga ang mayamang pamana ng kultura ng mga Filipino minorities sa pagbubukas ng Philippine Sports Commission (PSC)-organized Indigenous People’s (IP) Games nitong Sabado sa Ramon V. Mitra Sports Complex sa Palawan .

Mahigit 200 katutubo mula sa siyam na tribo ng Molbog, Palau’an, Tagbanua Central, Tagbanua Tandolanen, Tabuana Calamianen, Batak, Cuyonon, Agutaynen at Cagayanen ang magsasama-sama upang ipakita ang kanilang mga kasanayan sa tradisyonal na larong Pana, Sibat, Supok, Pagbayo sa Palay, Santik, Trumpo at Kadang-Kadang na bahagi ng kanilang pang-araw-araw na pamumuhay.

“For us, it’s a simple hobby but for our fellow indigenous people, it’s very important. Ito ay bahagi ng kanilang tradisyon at kultura. Isa itong paraan ng pamumuhay para sa ating mga Katutubo. Kailangan nating ayusin ito upang matulungan silang mapanatili ang kanilang pamana at itaguyod ang pangmatagalang kapayapaan at pagkakaisa,” sabi ni PSC Commissioner at IP Games Chairperson Matthew ‘Fritz’ Gaston.

Kapwa ang Pamahalaang Panlalawigan ng Palawan sa ilalim ni Gov. Dennis Socrates at City Government of Puerto Princes sa pamumuno ni Mayor Lucilo Bayron ay masinsin na nakipag-ugnayan para masiguro ang tagumpay ng programa sa pagtatapos ngTechnical Working Group meeting nitong Biyernes.

“Isang karangalan na tanggapin kayong lahat dito sa Puerto Princesa,” sabi ni Provincial Legal Officer Atty. Joshua Bolusa sa huling pagpupulong at pagpapalitan ng mga token of appreciation sa PSC sa Provincial Capitol building kung saan si Gaston at ang kanyang grupo ay sinalubong ng maalab at makulay na awitin at sayaw mula sa  mga estudyanteng nagpapakita ng sining mula sa apat na tribo.

“We’re happy that again the Palawan’s Indigenous People’s is in the center of activities. Ito ay isang pagkakataon para isulong natin ang lalawigan at ipakita ang tradisyon at kultura ng ating mga katutubong tribo. Mula sa platapormang ito, hindi lang natin poprotektahan ang kanilang kultura kundi tutulungan din natin silang pahalagahan ito at tuklasin ang mga talento na maaaring paunlarin,” dagdag ni Palawan Sports Development head Silvanny Delight Gastanes.

Ang IP Games ay