UV Lancers gisaytan ikaunom nga daog | Banat
CEBU, Philippines — Ang defending champion University of the Visayas (UV) Green Lancers naglaraw nga inaton ang nagkadena nilang daog ngadto sa unom ka duwa sa dihang ilang sangkaon ang Southwestern University (SWU)-Phinma Cobras sa Cebu Schools Athletic Foundation, Inc. (CESAFI) Season 23 Men's Basketball Tournament karong adlawa didto sa Cebu Coliseum.
Mag-abot ang duha ka puwersa sa alas 3:30 sa hapon diin ang Lancers buot nga mintinahon ang perpekto nilang sinugdanan ning season. Nagsolo sila karon sa ikaduhang dapit sa college division standings uban ang 5-0 nga baraha.
Ang Warriors nanghinaut nga makabawi sa miagi nilang kaparotan batok sa Cebu Roosevelt Memorial Colleges (CRMC) Mustangs ug isaka ang 3-2 nilang reord apan malisud nga misyon ang ilang sagubangon batok sa inilog nga Lancers.
Sa laing collegiate match-up, ang 1-5 nga Cebu Institute of Technology-University (CIT-U) Wildcats ug ang 1-6 nga University of the Philippines (UP) Cebu Figthting Maroons magbangga sa alas-5 sa hapon. Sa juniors category, ang University of San Jose-Recoletos (USJ-R) Baby Jaguars mosuway pagduso sa way pilde nilang ratsada ngadto sa 5-0 sa dihang ilang harongon ang 4-1 nga University of Cebu (UC) Baby Webmasters sa alas-2 sa hapon, samtang ang 4-2 nga UV Baby Lancers nagtinguha nga pahayagan