Blazers sinolo ang 2nd spot | Pang-Masa

MANILA, Philippines — Sinolo ng College of St. Benilde ang second place matapos takasan ang Jose Rizal University, 84-81, sa second round ng NCAA Season 99 men’s basketball tournament sa FilOil Centre kahapon sa San Juan City.

Humakot si reigning Most Valuable Player Will Gozum ng 27 points, 5 rebounds at 1 block para sa pang-limang sunod na na arangkada ng Blazers na nagbigay sa kanila ng 9-4 kartada sa ilalim ng Mapua Cardinals (10-3) at Lyceum Pirates (10-3).

Nalasap ng Heavy Bombers ang ikaanim na kabiguan para sa 8-6 marka.

Nakabangon ang Jose Rizal mula sa 15-point deficit sa second period bago bumida sina Gozum, Miggy Corteza at Migs Oczon sa final canto para sa panalo ng St. Benilde.

Sa unang laro, nagsumite si Chris Pagaran ng 21 points, 5 rebounds, 2 steals at 1 block para igiya ang University of Perpetual System DALTA sa 81-74 pagsibak sa Arellano University.

Humakot si Cyrus Nitura ng 13 points, 10 boards, 7 assists at 5 steals para sa 6-7 baraha ng Altas.

Bagsak ang Chiefs sa kanilang ikatlong dikit na kamalasan para sa 2-11 karta at makasama sa bakasyon ang ‘three-peat’ champions Letran Knights (1-12).