CESAFI magpatabang sa CHED pagsulbad sa kontrobersiya | Banat
CEBU, Philippines — Ang Cebu Schools Athletic Foundation, Inc. mangayo og tabang sa Commission on Higher Education (CHED) sa panghinaut nga maresolba na ang kontrobersiya nga may kalambigitan ang University of San Jose-Recoletos (USJ-R) Jaguars player nga si EJ Agbong sa nagpadayong CESAFI Season 23 Men's Basketball Tournament.
Hapit na mahuman ang eliminasyon sa torneyo apan ang eligibility ni Agbong kuwestiyonable pa gihapon human ang CESAFI nakadiskubre og mga diskrepansiya sa iyang Transcript of Records (TOR) nga gisumite sa USJ-R ngadto sa Screening Committee sa wala pa magsugod ang season.
Atol sa dagan sa ilang imbestigasyon, nakita sa CESAFI nga ang katapusang tunghaan nga gitambongan ni Agbong mao ang Liceo de Cagayan University. Apan ang TOR ni Agbong nga gipresenta sa USJ-R alang sa pag-screening sa mga players mao lamang ang gikan sa Jose Rizal University (JRU).
Mao kini ang nakapa-aghat ni CESAFI deputy commissioner ug legal counsel Atty. Jesus "Boyet" Velez pagduol sa USJ-R bench sa wala pa ang ilang sangka batok sa University of the Visayas (UV) Green Lancers niadtong Oktubre 14 aron sila pahibaw-on sa gipahigayon nilang imbestigasyon kabahin sa pagtungha ni Agbong sa Liceo. Ang USJ-R mitubag nga duna silay mga grado ni Agbong gikan sa Liceo hinungdan nga giawhag sila ni Velez nga isumite kini.
Tulo ka adlaw ang milabay niadtong Oktubre 17, ang USJ-R mipadala sa CESAFI sa TOR ni Agbong gikan sa Liceo apan ang screening committee naka-obserba nga ang mga kredensiyal ni Agbong gi-release sa Liceo niadto pang Hulyo 3 ug natingala sila nganong wala kini giapil sa USJ-R alang sa screening nga ang deadline sa pagsubmite sa mga credentials gikatakda man unta sa Septiembre 8. Milutaw sab ang mga pangutana nganong wala pahibaw-a sa USJ-R ang CESAFI nga ang katapusang eskuylahan ni Agbong mao ang Liceo.
Aron maklaro ang tanan, ang CESAFI mipadala og e-mail sa registrar sa Liceo niadtong Nobiembre 3 pagpangayo og katin-awan kon sakto ba gyud ang TOR ni Agbong nga gisumite sa USJ-R. Ang ilang hangyo gidawat sa Liceo niadtong Nobiembre 6 apan hangtud karon wala pa gihapon sila makakuha og tubag. Nagtoo ang CESAFI nga tungod sa balaod sa Data Privacy, dili sila
