Pagbalik ni Willie Revillame sa government channels, ‘di na tuloy! | Pilipino Star Ngayon

Hindi kumpirmado ang nasagap naming kuwento na hindi na raw tuloy ang Wowowin ni Willie Revillame sa PTV 4 at pati sa IBC 13.

Wala kaming way na makumpirma ito kay Willie, pero sinabi na raw niya ito sa ilang kaibigan.

Kahit sa ilang executives ng PTV 4 ay wala na rin kaming nakuhang sagot kung ano na ba ang status ng pagkakaroon ng Wowowin sa dalawang istasyon.

Nung nakaraang September pa namin nakapanayam si Ms. Ana Puod, ang general manager ng PTV 4 at ang naalala namin ay gusto lang daw munang palagpasin ang Ghost month, bago simulan ang pag-arangkada ng Wowowin.

Pero sa ngayon ay wala na kaming nababalitaan.
Ang isa lang sa napagtanungan namin ay baka sa YouTube o Facebook lang daw muna mag-Wowowin si Willie.

Kaya siguro nagsasariling kayod na rin ang Tutok To Win Partylist representative na si Cong. Sam Verzosa, para mapaghandaan ang kung ano man ang plano niya sa 2025 elections.

HIndi naman maitatanggi na kaya nanalo ang partylist na ito ni Cong. Verzosa dahil sa programa at pangangampanya na rin ni Kuya Willie.

Nasilip ko nung Sabado lang, meron palang siyang public service program sa GMA 7 si Cong. Sam Verzosa.

Pinamagatang Dear SV na kung saan nagi-immerse siya sa buhay ng mga mahihirap at binibigyan niya ito ng tulong.

Nung Sabado ng 11:30 ng gabi lang ito nagsimula na kung saan pumasok siya sa bahay ng mga nakatira sa ilalim ng tulay.

Hanggang kahapon nang pina-follow up namin ang tungkol sa pagkawala ni Azenith Briones, at binabase lang namin sa mga ipinu-post ni Isabel Rivas sa kanyang Facebook account dahil isa siya sa masigasig at talagang vocal sa nakikita at nalalaman niya sa nangyari ng beteranang aktres.

Niri-repost niya ang ilang FB post ng kaibigan nilang si Paul Macasiano, tungkol sa ibang anak na nakakalaban mismo ang kanilang magulang.

May pinost pa itong Paul Macasiano na, “Azenith Briones kung di ko pala nabigyan ng bodyguard, walang makakaalam na dinukot siya dahil sa mana.”

Obvious kung ano ang tinutukoy niya, pero ang huling ipinost ni Isabel ay ipinagtanggol ang sarili sa sinasabi diumano ng mga anak ni Azenith na fake news daw ang mga pinagsasabi nito.

Bahagi ng ipinost ni Isabel sa kanyang FB account, “Friends: I’ll get straight