Walang itulak-kabigin sa Pampanga at Bacoor sa MPBL Finals | Pilipino Star Ngayon

MANILA, Philippines — Matinding upakan ang matutunghayan sa duwelo ng Northern king Pampanga at ng Southern ruler Bacoor sa National Finals ng Maharlika Pilipinas Basketball League (MPBL).

Gagawin ang Game One ng kanilang best-of-five title showdown sa Sabado sa Bren Z. Guiao Convention Center sa Pampanga.

“It’s gonna be an exciting finals. It’s gonna be war dahil both teams are first-timers dito sa finals and both are loaded” ani MPBL Commissioner Kenneth Duremdes.

Nagposte ang Giant Lanterns ng 26-2 record sa elimination round para pamunuan ang North Division.

“This championship is anybody’s ball game. Iyong mga games natin sa eliminations at sa playoffs, balewala na iyan,” wika ni Giant Lanterns team consultant Allan Trinidad. “Ngayon, single preparation kami for our opponent.”

Nagdomina ang Stri­kers sa South Division sa bisa ng 23-5 sa elims bago sibakin ang last season runner-up Zamboanga at Batangas sa playoffs.