Altas pinatakbo ang Red Lions | Pilipino Star Ngayon

MANILA, Philippines — Pinalakas ng University of Perpetual Help System DALTA ang pag-asa sa Fi­nal Four matapos talunin ang San Beda University, 61-57, sa NCAA Season 99 men’s basketball tournament kahapon sa FilOil Centre sa San Juan City.

Nagburda si Art Roque ng 19 ponts, 7 rebounds at 2 blocks para akayin ang Altas sa 7-7 record.

Nagdagdag si Chris Pa­garan ng 12 markers at ku­malawit si Mark Omega ng 10 points, 11 rebounds at 1 block.

Dumulas naman ang baraha ng Red Lions sa 8-5.

Sa inisyal na laro, tinalo ng Lyceum of the Philippines University ang College of St. Benilde, 84-81.

Dumiretso ang Pirates sa pang-limang sunod na pananalasa para ilista ang 11-3 kartada at muling makasosyo sa liderato ang Mapua Cardinals.

Nagtapos naman ang five-game winning streak ng Blasers para sa 8-5 kar­tada.

Umiskor si Enoch Val­dez ng 15 points para ban­derahan ang Lyceum, ha­bang may 14 at 13 mar­kers sina JM Bravo at John Barba, ayon sa pagkakasu­nod.

Pinamunuan ni Miguel Oczon ang St. Benilde sa kanyang 19 points, 7 re­bounds at 2 assists.

Bigo si Prince Carlos, ku­molekta ng 16 points, 5 re­bounds at 2 assists, na ma­ipasok ang kanyang 3-point attempt sa huling hi­rit ng Blazers.