La Salle babangon mula sa kamalasan | Pang-Masa
MANILA, Philippines — Pakay ng De La Salle Univerity na tuldukan ang kanilang two-game losing skid sa pagharap sa University of the East sa UAAP Season 86 men’s basketball tournament sa UST Quadricentennial Pavilion.
Huhugot ng puwersa ang Green Archers kay Kevin Quiambao upang masikwat ang panalo sa Red Warriors ngayong alas-4 ng hapon.
Tangan ang 3-3 karta, nakisalo ang La Salle sa three-way tie sa third spot kasama ang Adamson University at Ateneo.
Subalit inasahang hindi magiging madali para sa Green Archers ang mapana ang panalo sa Red Warriors.
Dahil tulad ng La Salle ay nais din ng UE na kalsuhan ang kanilang kamalasan matapos malasap ang pangatlong sunod na kabiguan.
May kartang 2-4 ang UE kapareho ng Far Eastern University Tamaraws.
