Pinoy wheelchair cagers bigo sa Afghans | Pang-Masa
HANGZHOU -- Nakalasap ang Team Philippines ng 49-53 kabiguan sa Afghanistan sa wheelchair basketball tournament ng 4th Hangzhou Asian Para Games kahapon dito sa Hangzhou Olympic Center Gymnasium.
Kumamada si Kenneth Christopher Tapia ng 22 points para sa 0-2 baraha ng Pilipinas Warriors sa Group A.
Nagdagdag ng 14 markers si John Rey Escalante.
Nalimitahan naman si big man Alfie Cabañog sa walong puntos.
Nakadikit ang mga Pinoy sa mga Afghans sa 49-50 mula sa drive ni Tapia sa huling 1:32 minuto ng labanan.
Ngunit iyon na ang huling basket ng Pilipinas Warriors matapos kumamada sina Sayed Wasim Sadat at Fazal Aziz Malik para selyuhan ang panalo ng Afghanistan.
Nakabangon ang mga Afghans mula sa naunang 33-91 kabiguan sa Iran.
