Pirates tatabla sa No. 1 spot | Pang-Masa

MANILA, Philippines — Muling pipilitin ng Lyceum of the Philippines University na makatabla sa liderato habang target ng College of St. Benilde ang ikaanim na sunod na panalo sa second round ng NCAA Season 99 men’s basketball tournament.

Haharapin ng Pirates ang Blazers ngayong ala-1:30 ng hapon habang lalabanan ng San Beda University Red Lions ang University of Perpetual Help System DALTA Altas sa alas-3:30 ng hapon sa FilOil Centre sa San Juan City.

Solo ng Mapua University ang liderato bitbit ang 11-3 record kasunod ang Lyceum (10-3), St. Benilde (9-4), San Beda (8-4), Jose Rizal University (8-6), Emilio Aguinaldo College (7-7), Perpetual (6-7), San Sebastian (5-9) at mga sibak nang Arellano (2-11) at ‘three-peat’champions Letran (1-13).

Nasa four-game winning streak ang Pirates na nagmula sa 85-79 paggupo sa Knights para patibayin ang pag-asa sa Final Four.